佐真奴回流意甲？阿仙奴展开续约谈判

意大利国脚佐真奴上年加盟阿仙奴后，虽然未能抢到正选位置，但每次上阵都有精彩表现，由于佢季尾将回复自由，唔少意甲球会都佐真奴主意，呢位32岁老将嘅经理人，日前亦公开盘点下一间球会嘅可能性。据报阿仙奴亦决定出手留人，同佐真奴展开续约谈判。

佐真奴经理人祖奥山度士，日前接受意大利传媒访问，暗示回流意甲嘅可能性：“拉素系最适合，因为教练沙利好熟悉佐真奴；祖云达斯个总监同佐真奴亦系拿玻里共事多年，当然我唔排除重返拿玻里嘅可能性；如果讲到历史同实力，所有人都想为米兰双雄效力。”

唔知系咪佐真奴“放风”有效，英国传媒指阿仙奴已决定留用呢位中场，将会开出1+1嘅2年合约，双方会喺短期内展开谈判，祖奥山度士又表示：“我哋会考虑所有可能性，但佐真奴优先选择系阿仙奴，佢同队友、领队相处得好开心。”