尋找卡斯米路接班人　曼聯睇中呢位

曼聯新股東拉特克利夫一直睇卡斯米路唔順眼，認為佢係「問題收購」，好有機會喺今夏換人，據報會方正物色防中接班人，睇中安特衛普比利時國腳新星曼德拉基達。

比利時《新聞報》報道，曼聯正在考察曼德拉基達，此子現年21歲，原屬球會奧特海維利，今季外借到安特衛普即成為主力，至今在比甲及歐聯上陣25場，去年10月入選比利時國家隊，由於表現出色，安特衛普今夏打算將佢買斷。

不過安特衛普要留住呢位新星唔容易，因為曼聯已多次觀察此子表現，認為佢可成為卡斯米路接班人。雖然卡斯米路尚餘2年約，但由於「拉爵」點名批評，呢位巴西國腳好難長留曼聯，今夏極有機會被出售，預計會賣去沙特。

曼聯今夏將再度重組，年輕有活力嘅曼德拉基達係目標之一，佢現時喺《轉會市場》身價估計為1,100萬歐元(約9,350萬港元)，預計曼聯可以輕易簽下。