不滿訓練方式　曼聯球員確信坦哈格將被炒

根據英國《每日郵報》爆料，曼聯上場英超不敵曼城之後，有部份球員對領隊坦哈格，產生不滿情緒，尤其非常厭惡佢嘅訓練方式，並相信新股東拉特克利夫將於今夏解雇呢位荷蘭名帥。

曼聯上仗有9人位球員因傷缺陣，今季已經累積47人次受傷，有球員認為坦哈格採用高強度嘅訓練方式，成為多傷兵嘅主因，包括早前對盧頓之後，即使周中冇賽事，但坦哈格都唔願意畀球員放多1日假。

此外，坦哈格冒險派有傷在身嘅勞基梳爾上陣對盧頓，令呢位左閘傷上加傷，面臨提早收咧，亦令其他球員感到震驚，認為坦哈格唔重視球員健康。

事實上，近日傳出將成為曼聯新總監嘅艾舒禾夫同前車路士領隊樸達見面，似乎有意邀請佢取代坦哈格。