港超聯　攻入今年首球　艾華頓：諗方法幫球隊

理文周日（10日）在「中銀人壽香港超級聯賽」以4比0擊敗均業北區，其中下半場為「黃黑軍團」射成3比0的艾華頓，終於取得2024年首個正式賽事入球，他表示即使此前幾場皆食白果，但都會利用助攻等方法助理文取分，揚言球隊能否勝出才是重中之重。

艾華頓對上一次在本地賽事建功，已要數到去年12月對大埔的聯賽，他賽後受訪時指，雖然早前陷入入球荒，但自己會利用助攻等為球隊作貢獻，因此不會感到太大壓力：「我每日都好畀心機去練射波，但有時腳風唔順都冇辦法，所以會諗辦法送助攻或者幫其他隊友拉開空位，始終球隊贏波先係最緊要。」

這位射手又稱北區實力不容小覷，因此對球隊以4球大勝感到興奮：「賽前預咗呢場一定唔易踢，好彩大家入局算快，完半場前連入兩球，先令球隊換邊之後踢得放啲，不過聯賽仲有排鬥，我哋之後要keep住有咁好表現先得。」