高圖爾斯再受重創　半月板撕裂提早收咧

皇家馬德里門將泰拔高圖爾斯今季惡運連連，開季前因左膝十字韌帶撕裂長抖半年，最近先至傷愈復操，但日練習期間再度重創喊住離場，檢查後證實右膝半月板撕裂，預計要抖2個月，今季提早收咧。

31歲嘅泰拔高圖爾斯今季未有上陣，原本打算國際賽期操起狀態，最後階段為皇馬向冠軍衝刺，但再次受傷令佢好夢成空。今次傷患唔係舊患，但需要做手術根治，養傷時間大概2個月左右。

泰拔高圖爾斯表示：「再有新傷患令我心碎，不過今次只係一個小難關，我會更加強大咁歸來，多謝大家對我嘅支持。」喺泰拔高圖爾斯缺陣期間，今季表現出色嘅小將盧連將會繼續為皇馬把關。