【有片】夏蘭特練習疑受傷　哥帥開口中？

曼城領隊哥迪奧拿日前吩咐球員，喺國際賽期間要就住踢避免受傷，估唔到未有比賽已經出事。艾寧夏蘭特周三(20)跟挪威操練期間，被踢傷後表現痛苦，睇到曼城球迷心驚驚！

據練波影片所見，艾寧夏蘭特被踢傷後一拐一拐咁行，希望「行返順」後可以繼續練習，但10秒後再次停低，不斷搖頭同抖大氣，最後都提早停止練習。

艾寧夏蘭特受傷片段：https://twitter.com/i/status/1770087526591500568　

不過曼城球迷之後收到定心丸，挪威軍醫表示艾寧夏蘭特受到硬傷，形容佢「冇問題」，可以喺周六(23日)凌晨對捷克同下周對斯洛伐克2場熱身賽候命。

曼城喺國際賽期完結後，首場比賽就要喺英超主場對「1哥」阿仙奴，哥迪奧拿求神拜佛呢位首席射手要健康歸隊。