富咸中堅滿約　熱刺準備免費簽

富咸英格蘭中堅艾達拉比奧約將於今夏約滿，由於無法說服佢續約，今夏將會自由身離隊，據報熱刺同利物浦都準備出手，其中熱刺去年夏天曾經斟介，有溝通渠道，今夏免費得到呢位26歲守將機會甚高。

《Football Insider》報道，富咸正游說艾達拉比奧約續約，但受到其他球隊報價干預，富咸續約行動極可能觸礁，消息傳出後，英超熱刺、利物浦，法甲摩納哥及幾支意甲球隊都準備加入爭奪。

報道指熱刺可能佔得先機，因為佢哋去年夏天曾經斟介，如果富咸未能續約，熱刺就會立即採取行動，艾達拉比奧約打算在球季結束後作出決定。

艾達拉比奧約係曼城青訓產品，僅在盃賽亮相，先後外借到西布朗及布力般流浪，2020年加盟富咸至今，為富咸上陣126場入4球。