【國際賽】荷蘭精銳盡出主場「蘇」Quali
2024年03月22日 20:00
東網電視
更多新聞短片
周六凌晨國際賽事，荷蘭喺阿姆斯特丹主場迎戰蘇格蘭，兩隊都要為夏天歐國盃決賽周備戰，今場熱身賽精英盡出。荷蘭近年新人輩出，新舊球員融合開始發揮效果，而且近期走勢強勁，讓一球/球半照捧上盤。（周六凌晨3時45分開賽）
荷蘭自上年由朗奴高文重掌帥印後，雖然初期成績欠佳，不過適應後愈踢愈好，近期狀態相當理想，對上6場比賽取得5勝，包括兩勝蘇格蘭嘅「鄰居」愛爾蘭，面對呢類英式踢法球隊完全未驚過。
「橙衣兵團」今次國際賽精銳盡出，沙維西蒙斯、韋耶爾馬倫、雲迪尹等新星順利上位，又有「VVD」華基爾雲迪積克、韋格賀斯、迪比等老大哥帶住，一眾國腳近期喺球會狀態都好好，陣容非常豪華。
蘇格蘭近期走勢令人失望，近5場比賽2和3負未贏過，而且球隊靠鬥志多於技術，喺熱身賽「唔使搏命」嘅情況下，表現例必大打折扣，加上近3場熱身賽全部輸晒，合共失咗9球，今仗作客荷蘭恐怕凶多吉少。
更多賠率：