修夫基將成曼聯新帥？佢咁回應

盛傳曼聯有意今夏聘請英格蘭國家隊主帥修夫基接替坦哈格，成為紅魔鬼新領隊，呢位53歲名帥首次開腔回應，話任何傳聞都係對曼聯現任領隊坦哈格不敬，所以今夏歐國盃結束前，唔會透露去向，似乎並未排除成「魔」嘅可能性。

英格蘭出戰熱身賽對巴西前夕嘅記者會上，修夫基被問到有關執教曼聯嘅傳聞，佢話：「我係英格蘭領隊，基本上只有一項工作，就係努力奪取歐國盃冠軍，在此之前，我哋仲有重要熱身賽，曼聯現時有領隊，任何傳聞都係對佢唔尊重。」

修夫基現時合約將於今年12月屆滿，普遍認為今屆歐國盃成績，將成為決定佢去留關鍵，據悉如果曼聯今夏出手聘請修夫基領軍，只需要斥資80萬鎊(約790萬港元)就可以買斷佢餘下嘅合約。