塞爾維亞強陣開殺戒 雙塞激鬥入球大啱數
2024年03月25日 16:01
東網電視
更多新聞短片
塞爾維亞前鋒阿歷山大米祖域把握力強。(Getty Images)
國際熱身賽，備戰夏天歐國盃嘅塞爾維亞將作客塞浦路斯。塞爾維亞上場熱身賽吞俄羅斯4蛋，知恥近乎勇下，今仗將會大踢爭氣波，一眾星級攻擊手會大開殺戒，塞爾維亞攻強守弱，博3.5球入球大係最佳選擇。（周二凌晨1時開賽）
塞爾維亞喺史杜高域帶領下，踢法都係重攻輕守，上場慘敗俄羅斯，好大程度係因為21分鐘就踢少個。塞爾維亞今仗將會輪換正選，上場做後備嘅阿歷山大米祖域、米連高域沙域、菲臘高斯迪等將復任正選，進攻火力必大大加強，而且塞爾維亞近4場比賽，有3場總入球開4球或以上，攻力有保證。
塞浦路斯近兩場熱身賽1勝1和，但對手只係拉脫維亞同立陶宛，之前喺歐國外同高班球隊8戰全敗，平均每場失超過3球，佢哋冇壓力下出戰，主場出擊唔會死守，預料今仗會係大手交易，3.5球嘅入球大好路。
更多賠率：