阿諾特康復良好　有望出戰雙紅會

根據英國《鏡報》報道，利物浦右後衞阿歷山大阿諾特嘅傷勢康復進度良好，如果一切順利，將可以復出踢4月7日晚上英超「雙紅會」作客鬥曼聯。

阿歷山大阿諾特自從2月10日英超對般尼之後，就一直因為膝部受傷缺陣，據悉呢位25歲英格蘭球星近期趁國際賽空檔，加強訓練，效果令人滿意，預料可以復出上陣對曼聯。

阿歷山大阿諾特今季英超上陣21場，射入2球及4次助攻，對於紅軍攻守發揮重要作用，利物浦上場英足盃8強被曼聯淘汰，如果阿歷山大阿諾特可以復出鬥紅魔鬼，無疑可以提升球隊報仇成功機會。

至於利物浦未來2場英超對白禮頓、錫菲聯，預料會由干拿巴特利或者祖高美斯出任右閘位置。