拉爵同時擁有尼斯　曼聯面臨被禁歐洲賽

曼聯獲拉特克利夫入股後，除咗即將大改革，仲會面臨大麻煩，因為「拉爵」嘅英力士集團擁有法甲球隊尼斯，如果曼聯同尼斯獲得同一歐洲賽資格，歐洲足協規定，不容許同一班主旗下兩支球隊參加同一賽事，如果尼斯排名較高，曼聯就會被踢出局。

各大傳媒報道，歐洲足協近日公布最新規定，在同一班主情況下，兩支球隊可以參加不同歐洲賽事，但禁止參加同一賽事嘅規定仍然生效，以避免互惠互利及操縱賽事等嫌疑。

現時尼斯在法甲排第5，曼聯在英超排第6，如果兩隊最終排名不變而獲得歐霸盃資格，根據規則，排名較高嘅尼斯將獲得優先參賽權，曼聯就要降級踢歐協聯，但如果兩隊都獲得歐協聯資格，而尼斯排名較高，咁樣尼斯仲有玩，而曼聯就會被踢出局。