第22人　艾殊利高爾入選英超名人堂

英超官方宣布，阿仙奴、車路士及英格蘭名宿艾殊利高爾，入選2024年英超名人堂，是第22位入選英超名人堂球星，亦係英超名人堂第4名後衞。

43歲嘅艾殊利高爾早期效力阿仙奴，係2003至04年不敗奪冠成員之一，其後轉投車路士，兩段時期在英超合共上陣385場，交出147場零封，攻入15球及31次助攻，共贏得3次英超冠軍，亦係英格蘭國家隊世盃3朝元老，上陣107場，被視為英超史上其中一位最出色左閘。

艾殊利高爾2019年掛靴後從事教練工作，跟隨林柏特在愛華頓及車路士擔任助教，之後又喺伯明翰擔任朗尼教練團成員之一，期間做過英格蘭U21助教。