曼聯將格連活特加價　嚇退馬體會

盛傳曼聯將於今夏正式出售翼鋒格連活特，吸引巴塞隆拿、馬德里體育會等豪門爭奪，根據西班牙《每日體育報》爆料，紅魔鬼趁機加價，要求5,800萬歐元(約4.9億港元)轉會費，令到馬體會卻步。

格連活特今季被外借去基達菲之後，表現出色，喺聯賽已入6球及5次助攻，引起其他西甲球隊注意，當中以巴塞隆拿及馬體會最有興趣簽入呢位22歲英格蘭球星。

西班牙《每日體育報》指曼聯原本只要求4,000萬歐元(約3.4億港元)轉會費，但近期已經提升至5,800萬歐元，令馬體會方面感到驚訝，可能打消收購念頭，巴塞隆拿成為最大潛在買家。

如果格連活特真係以5,800萬歐元成交，就會成為曼聯史上第4貴出售球員。