英格蘭鋼門開刀　無緣歐國盃

早前因傷退出英格蘭對比利時熱身賽名單嘅水晶宮門將森莊士東，因為接受手術治療手部傷患，將長抖4個月，提早收咧之餘，亦無法英格蘭出戰今屆歐國盃決賽周。

據悉森莊士東上周日(24日)操練期間，因為1次撲救整傷手部，無奈退隊，呢位31歲鋼門返回水晶宮之後，周三(27日)決定開刀根治傷勢，估計會缺陣4個月。

英格蘭主帥修夫基原本視森莊士東為2號門將，但隨住佢無緣歐國盃，依家要搵新人選填補空缺，早前獲補選嘅般尼21歲門將占士查科特有機會入選參加歐國盃大軍名單。