基沙文愛駒進軍英國　復活節亮相

馬體會法國國腳基沙文另一個身份係馬迷同馬主，嚟緊復活節檔期，佢名下賽駒Hooking將會首度進軍英國，出戰紐卡斯爾一項10化朗大賽，據報勝出機會甚高。

《每日郵報》報道，基沙文閒時鍾意睇賽馬，亦有養馬，佢名下愛駒Hooking已經喺法國打響名堂，據報共勝出11場賽事，包括兩項大賽，今次去英倫，係Hooking首次遠征海外賽事。

Hooking生涯已經累積收穫27.5萬鎊獎金(約275萬港元)，如果今次喺紐卡斯爾順利勝出，將可再贏10萬鎊獎金(約100萬港元)。

足球圈人士踩過馬圈嘅例子有好多，最出名係曼聯傳奇領隊費格遜，同埋金童奧雲都係活躍分子，而基沙文就係新一代球星馬主。