尼馬明年重返山度士　備戰26年世盃

尼馬早前到訪邁阿密同碧咸夫婦見面合照，但碧咸表明只限食飯，同商討加盟國際邁亞密完全無關，原來尼馬另有出路，據報其母會山度士打算喺2025年重召尼馬歸隊，為2026年世盃做準備。

《UOL》報道，尼馬同沙特豪門希拉爾合約簽到2026年尾，山度士打算明年向希拉爾以借用形式將尼馬重召歸隊，認為此舉將令尼馬同山度士同時受益。

報道指，尼馬希望透過重返巴甲，贏得球迷重新愛戴及支持，並可在無壓力下重新享受輕鬆生活，並繼續獲得國家隊關注。

至於山度士一直希望尼馬回歸，會方同尼馬父親關係良好，雙方於去年底達成合作協議，馬尼父親將來會在山度士有投資項目，而近年尼馬亦曾兩度獲邀重返山度士主場觀戰。