賽馬會菁英盃　補時絕殺　陳俊樂：有預感入波

傑志周三（3日）在旺角大球場出戰「賽馬會菁英盃」4強，最終以4比3險勝大埔晉級決賽。賽後頭槌助球隊絕殺的中場陳俊樂，更獲選為賽事最佳球員（Mom），他表示十分開心，又笑言自己當時有預感取得入球。

傑志今場與大埔鬥得緊湊，鬥至90分鐘仍踢成3比3，但補時8分鐘陳俊樂接應恩查角球，力壓對方後衞加比爾頭槌頂入，最終帶領「藍鳥」絕殺4比3。這名晉級功臣賽後亦顯得相當開心：「今季第2次入頭槌，其實個陣都有啲預感入波，因為自己平時角球唔入禁區，臨尾入去正常冇人守，好好彩恩查真係斬到個波畀我。最開心幫到球隊贏波入決賽，希望之後多啲入波。」

對於今場率先失守，「樂仔」承認球隊初段有點「未訓醒」，導致不斷受壓，幸好之後能夠及時調整。「藍鳥」4月20日將在聯賽作客大埔，「樂仔」希望球隊可吸收今場經驗，在防守做得更好：「大埔進攻特別用好多高空波，應付依方面係有啲吃力，同埋我哋要留心執多啲second ball，嚟緊訓練要繼續改善。」