出口術？ 軍醫「證」基爾獲加無緣鬥皇馬

曼城要歷史性衞冕3冠王，季尾衝刺場場關鍵，不過下周歐聯8強大戰皇家馬德里前，領隊哥迪奧拿透露，軍醫證實基爾獲加無緣踢呢場大戰，但係唔少球迷認定哥帥只係「出口術」。

基爾獲加喺國際賽受傷後，已缺陣對阿仙奴同阿士東維拉2場聯賽，哥迪奧拿日前被問到基爾獲加有冇機會鬥皇馬，呢位西班牙主帥表示：「軍醫話基爾獲加傷勢嚴重，所以唔會踢到，不過基爾獲加嘅基因係與別不同，基爾獲加就係估佢唔到......」

曼城要靠基爾獲加凍結皇馬嘅雲尼斯奧斯祖利亞，該巴西翼鋒日前亦表示：「我一直想同最強球員交鋒，基爾獲加就係我遇過最強嘅後衞，我哋互相尊重，亦會盡全力為自己球隊而戰。」