洛辛堡球員入金球：返屋企手淫慶祝！
2024年04月04日 15:01
東網電視
更多新聞短片
沙爾達語出驚人。
挪超勁旅洛辛堡周一(1日)喺聯賽開鑼戰對辛迪夫佐特，前鋒沙爾達轟入一個40碼超級金球，協助球隊2比0贏波，不過呢位28歲球星賽後得意忘形，受訪嗰陣竟然對住鏡頭話會返屋企手淫慶祝，結果搞到要公開道歉。
沙爾達喺挪超開鑼戰入靚波，賽後被問到會點樣慶祝，佢就完全唔避忌咁回應：「我已經唔係好記得個波點入，我會返屋企，用左手拎住部電話睇返，右手就拎住下體，好好享受一下，應該會搞到好夜。」
沙爾達嘅「真情剖白」引起極大回響，佢事後作出公開道歉：「如果有人因為我嘅言論受到冒犯，我向佢哋道歉，不過呢個就係我嘅真性情。」