奧斯爾驚變「筋肉人」　夏天返英格蘭比賽

德國名將奧斯爾球員時代踢法瀟灑，但就被批評踢法懶散同唔撞得，不過呢位35歲球星1年前退休後，突然瘋狂健身練到變「筋肉人」，日前佢喺社交網公開操練成果，睇到網民O晒嘴。

奧斯爾喺社交網發布健身影片，片入面佢雙手各拎住一個重50kg嘅巨大啞鈴，兩隻手臂操到勁誇張，同佢踢波嗰陣嘅「瘦骨仙」形象判若兩人。

唔知奧斯爾為乜退休先嚟狂操，但據報佢夏天將會代表德國去英格蘭出戰「35歲以上世界盃」，消息指德國嘅初選名單除咗有奧斯爾，仲有古蘭爾、基迪拉等名將。