葡媒爆利物浦密會艾摩廉　3年合約就傾掂！

英超勁旅利物浦將喺夏天失去領隊高普，物色新帥成為當務之急，據葡萄牙媒體爆料，利物浦高層周一(8日)喺里斯本同士砵亭教練魯賓艾摩廉密會，人工方面已經接近達成識，利物浦開出3年合約，談判進展非常順利。

葡萄牙著名記者Pedro Sepulveda爆料，利物浦雖然仍未向士砵亭正式提出斟介，已已私下同魯賓艾摩廉溝通，利物浦喺斟介沙比阿朗素失敗後，已將魯賓艾摩廉視為頭號目標，3年合約嘅薪酬條件都冇問題，令成事機會大增。

39歲嘅魯賓艾摩廉日前被問到夏季會唔會留低，佢就唔肯承諾：「我可以保證啲乜嘢，我亦唔想講太多自己嘅未來，總之我唔會同士砵亭有任何爭拗或向佢哋施壓，我欠士砵亭好多。」