曼城再斟柏基達　解約金8.4億

曼城近日打算重啟斟介韋斯咸巴西國腳盧卡斯柏基達，其8,500萬鎊(約8.4億港元)解約金條款將於今年6月生效，到時「藍月亮」可以出手買人。

英國傳媒報道，哥迪奧拿一直視盧卡斯柏基達為奇雲迪布尼替代人選，去年夏天已經想簽佢，不過當時盧卡斯柏基達傳出賭波違規接受英足總調查而叫停，依家已經冇事，曼城就準備重啟斟介。

26歲嘅盧卡斯柏基達傳射俱佳，今季為韋斯咸交出8入球7助攻，如果轉投曼城預期會有更佳發揮，而佢同韋斯咸合約至2027年，解約金條款將於今年6月生效。