阿諾特祖達復操　準備出戰阿特蘭大

利物浦將於周五(12日)凌晨歐霸盃8強首回合主場對阿特蘭大，大戰前夕，紅軍收到好消息，前鋒迪亞高祖達、後衞阿歷山大阿諾特周二(9日)已經傷愈復操，有望一齊出戰今場歐霸盃。

阿歷山大阿諾特自從2月初英超對般尼之後，就一直因為膝傷缺陣，迪亞高祖達亦同樣養傷近2個月，英國傳媒指兩人周二(9日)已經可以跟隨大隊操練，身體情況良好，相信可以復出對阿特蘭大，但應該會先擔任後備。

利物浦現時英超及歐霸盃雙線爭標，需要更多人腳應付頻密賽程，迪亞高祖達、阿歷山大阿諾特一攻一守猛將復出，對於紅軍絕對係一場及時雨。