唔怕虧損超標　紐卡素將同祖連頓續約

紐卡素財政虧損嚴重，盛傳需要出售球員填數，以符合英超賽會財政要求，但根據「轉會權威」記者羅曼諾(Fabrizio Romano)爆料，「喜鵲」率先出手留住主力，將會同中場祖連頓續約至2028年6月，意味呢位27歲巴西國腳屬於非賣品。

祖連頓將於明年夏天約滿，據悉佢同紐卡素就續約問題，已經接近達成協議，雙方將會續約至2028年6月。領隊艾迪侯域認為，祖連頓屬於球隊骨幹人物，必須留住佢，「喜鵲」下季先至有能力捲土重來。

祖連頓2019年由賀芬咸加盟紐卡素，一直屬於球隊主力，其中2021/22年球季更加當選紐卡素最佳球員。不過，祖連頓今季因為受傷，僅於英超上陣16場入2球，佢自從1月初英足盃對新特蘭受傷之後，一直缺陣，可能會提早收咧。