威廉王子偕大仔做「吉祥物」撐維拉

阿士東維拉喺歐協聯8強首回合主場2比1擊敗里爾，作為忠實球迷嘅王儲威廉王子，呢晚再同長子喬治王子入場支持，電視畫面見到兩父子當維拉攻入1比0領先時，齊齊興奮鼓掌。

威廉王子一直係維拉球迷，而10歲長子喬治亦受其影響，成為維拉粉絲一員。呢晚喬治王子戴上紫紅色維拉圍巾，支持愛隊出戰歐協聯，亦係凱瑟琳王妃宣布接受癌症治療後，喬治王子首次公開露面。

凱瑟琳王妃早前宣布患癌消息，其3名子女一直受保護，避免露面，有消息人士透露，3名子女已經適應媽媽接受治療的生活，而子女們反過來成為威廉王子和凱瑟琳王妃的最大支持。有分析指，喬治王子入場睇波，相信凱瑟琳的情況順利。