英超弱隊爭氣　3月最佳將帥落入富咸般茅手上

英超公布3月各大最佳獎項，爆出大冷門，富咸前鋒洛迪高梅尼斯當選3月最佳球員，般尼茅夫主帥伊拉奧拿當選最佳領隊。

洛迪高梅尼斯上月英超射入4球及1次助攻，表現令人驚喜，順理成章成為3月最佳球員，亦係富咸史上第3位獲此殊榮嘅球員，另外2位已經要數到2001年嘅前鋒沙夏及2010年嘅門將舒華沙。

至於伊拉奧拿率領般尼茅夫上月英超4戰取得3勝1和，結果首次獲得月份最佳領隊，佢話：「呢個獎送畀球會，球員比我更值得拎呢個獎，佢哋令球隊取得成功。」

另外，曼聯前鋒拉舒福特對曼城，射入世界波，當選英超3月最佳入球，值得一提，今季英超8個月份最佳入球有4次由曼聯球員奪得，諾定咸森林門將素斯對利物浦，救出對手頭槌攻門，獲得3月最佳撲救獎。