坦哈格暗示　馬迪爾曼聯生涯已玩完

曼聯將於周日(14日)凌晨英超作客般尼茅夫，賽前紅魔鬼主帥坦哈格透露，仍然唔知前鋒安東尼馬迪爾幾時可以復出，似乎暗示呢位28歲法國球星嘅紅魔鬼生涯已經結束。

坦哈格接受傳媒訪問時話：「馬迪爾仍然有傷在身，我唔知道佢今季能否再次上陣。」安東尼馬迪爾今季為曼聯上陣19次，僅入2球及1次助攻，對上1次披甲已經係上年12月初英超主場對般尼茅夫。

安東尼馬迪爾將於今季結束之後約滿，預料唔會獲得續約，所以好可能無緣再為曼聯上陣，早前傳出國際米蘭有意簽入佢。