港超聯　陳冠燊屢救險球：輸得唔抵

港超聯球隊標準流浪周六（13日）在「中銀人壽香港超級聯賽」，打少兩個下完場前被史提芬彭利拿射入極刑，以0比1告負，是役屢救險球的流浪門將陳冠燊賽後眼泛淚光，認為球隊有力搶分而回，惟最終因自己失誤導致隊友犯手球輸12碼，感到非常內疚。

「燊仔」下半場屢救險球，包括末段擋出李小恆近門施射，可惜補時階段未能救出史提芬彭利拿的12碼，無法為球隊在盧均宜和陳耀祖先後被逐下，保住1分，他哽咽道：「全隊今日搏到盡去守波，絕對有機會攞到1分，但臨尾因為我打唔到手槌，累『阿祖』（陳耀祖）犯手球，感覺上好似辜負咗大家。」

今場為「燊仔」第2次在聯賽擔正的賽事，他感激教練團信任，盼日後繼續改善不足，報答大家：「好多謝教練團咁信任自己，但我嘅表現一直唔算太好，希望趁呢排出場機會多番少少，累積多啲，下場做好啲。」