曼聯挑戰最低排名　坦哈格嬲爆終止記者會

曼聯喺英超作客2比2逼和般尼茅夫，近4場聯賽只拎到3分下，喺聯賽榜已被紐卡素爬頭跌落第7位(50分)，而且仲有機會被韋斯咸(48分)同踢少2場嘅車路士(44分)超越，隨時創造曼聯歷來英超最低排名紀錄。

曼聯喺英超時代嘅最低排名，係費格遜退休後第1個球季(13/14球季)，當年喺莫耶斯帶領下以第7名完季。「紅魔鬼」對上一次喺頂級聯賽排低過第7位，已經要數到1989/90嘅英甲年代，當年佢哋最後排喺第13名。

賽後記者會期間，有記者問：「你哋個第7名有被超越嘅危險，如果發現就會係曼聯英超史上最低排名，你覺得......」坦哈格未聽完問題就即時起身走人，邊走邊話：「我唔評論，收番你條問題，呢個問題喺呢刻根本唔重要......」