愛華頓無力還債1.6億鎊　面臨再被扣分

愛華頓喺英超慘吞車路士6蛋，成為領隊戴治教波生涯531場比賽最大敗仗，屋漏偏逢連夜雨，球隊亦面臨再度被扣分，根據英國《每日電訊報》爆料，「拖肥糖」無力償還1.6億鎊(約15.6億港元)貸款，一旦違約，將會被英超賽會判罰扣分，進一步加深降班危機。

愛華頓因為違反英超盈利及可持續發展規例，一度被重罰扣減10分，上訴後改為扣6分，但早前因另一項財政違規指控罪成，即時扣減2分，換言之合共被扣8分。

愛華頓嘅噩夢仲未結束，據悉會方拖欠1.6億鎊貸款，以球會目前財政狀況，恐怕難以如期償還，可能進入破產管理程序，並面臨被英超賽會扣分。愛華頓現時領先尾三盧頓2分，雖然踢少1場，但如果再被扣分，好可能會跌入降班區。

愛華頓班主莫舒利表示，會盡全力避免發生違約，唔排除向球會注資，或者搵新買家接手。