韋斯咸3位猛將缺陣　天助利華古遜

韋斯咸將於周五(19日)凌晨歐霸盃8強次回合主場迎戰利華古遜，大戰前夕，「錘仔幫」傳出不利消息，根據英國《每日郵報》爆料，韋斯咸首席射手查洛保雲傷勢未愈，將無緣今場大戰，加上中場盧卡斯柏基達、左後衞艾馬臣柏美尼停賽，令球隊雪上加霜，恐怕難以收復首回合輸0比2失地。

查洛保雲喺月初對狼隊受傷，已缺陣首回合作客利華古遜，以及上場英超對富咸，結果韋斯咸兩場都輸0比2。原本預計查洛保雲有機會歐霸盃8強次回合復出，但以現時情況睇，並唔樂觀。

查洛保雲今季為韋斯咸各項賽事上陣40場入19球，「錘仔幫」缺少佢，加上另1位進攻主將盧卡斯柏基達「坐波監」，令球隊攻力大打折扣，想翻身就更加難。反觀利華古遜剛提早奪得德甲冠軍，士氣高昂，加上首回合有2球在手，晉身4強機會高唱入雲。