愈噓愈勁！迪比利完美復仇　4強又要倒戈

巴黎聖日耳門(PSG)喺歐聯絕地反勝巴塞隆拿，MVP唔係入2球嘅基利安麥巴比，而且倒戈嘅奧士文尼迪比利。呢位法國翼鋒上年「背叛」巴塞轉投PSG，全季只有3個入波，但當中2球就係主、客兩回合各入巴塞1球，完美報復球迷嘅狂噓。

迪比利喺首回合為PSG入波，今仗重返西班牙被狂噓，賽前有球迷燒佢件波衫，不過迪比利未受影響，射入追平1比1入波外，反勝嘅關鍵12碼亦係由佢博得，賽後PSG球衣喺更衣室對佢高呼「MVP」，祝賀佢成為今場最佳球員。

迪比利更衣室慶祝片段：https://twitter.com/i/status/1780352273857605766　

迪比利賽後表示：「我理解球迷嘅噓聲，但踢波就係咁樣，每個球場都有噓聲，呢啲情況對我冇影響，我只係專注自己比賽，全力以赴。」PSG喺歐聯4強對多蒙特，又係迪比利另一間前度球會，佢2017年離開多蒙特亦係不歡而散，睇下佢係咪又可以喺舊主面對耀武揚威。