富咸護級成功　阿仙奴獲1900萬獎金

富咸上場作客2比0擊敗韋斯咸，以42分排第12位，提前5輪護級成功，原來阿仙奴咁樣都有錢袋，因為門將賓特尼奴當初轉投富咸有一項護級條款，阿仙奴可收到200萬鎊獎金(約1,950萬港元)。

《football.london》報道，賓特尼奴2022年夏天由阿仙奴轉投富咸，轉會費總值800萬鎊，原來呢筆錢係分幾筆支付，最初富咸只向阿仙奴支付300萬鎊，尾數就要按球隊成績及不同條件再計。

合約中有一項與上陣次數掛鈎條款，阿仙奴再獲100萬鎊，而轉會後連續兩季護級成功，阿仙奴都有錢袋，今季富咸再度護級成功，自然又要向阿仙奴「磅水」！