【歐霸盃】錘仔主場穩受讓有「遜」心
2024年04月18日 17:00
東網電視
更多新聞短片
首回合利華古遜贏2比0。(Getty Images)
利華古遜首奪德甲冠軍後，今晚喺歐霸盃出擊作客韋斯咸。利華首回合領先2比0，今場大可睇定嚟食，甚至唔使贏波；韋斯咸今屆歐霸盃4次主場全勝，水準穩定，有得受讓一於捧讓球主勝。（Now 644周五凌晨3時直播）
利華啱啱打破拜仁慕尼黑壟斷，提前5輪喺德甲封王，亦係球會成立120年來首個頂級聯賽錦標。球隊今季喺沙比阿朗素帶領下，至今係5大聯賽唯一不敗之師。既然最大目標已經達成，球隊上下稍稍放鬆亦屬人之常情，何況佢哋首回合有兩球喺手，今場唔輸就足以晉級，作客要讓波存有風險。
韋斯咸上場聯賽吞富咸兩蛋，明顯為今仗留力，可惜查洛保雲有傷在身，盧卡斯柏基達同艾馬臣柏美尼雙雙停賽，只能殘陣出擊。不過咪睇小「錘仔幫」主場威力，去年11月至今17次主場出擊僅逢兩敗，單計歐霸盃4次主場全部贏晒，包括16強大炒另一德甲兵弗賴堡5蛋，受讓更值博。
更多賠率：