奧拿拿情繫國米？斥巨資買米蘭別墅

喀麥隆門將奧拿拿上年由國際米蘭轉投曼聯後，最初表現備受批評，不過近期用穩健表現開始贏番球迷信心。奧拿拿日前突返國際米蘭探舊隊友，《米蘭體育報》更指佢上月斥資600萬歐元，喺米蘭市郊買入一間超豪華別墅，令人懷疑佢係咪心繫米蘭，想重返意甲效力。

報道指奧拿拿買嘅別墅面積達1,300平方米，擁有8間房、6個廁所，又有泳池、燒烤場同大花園。由於國際米蘭今夏希望再簽門將，頂替已經35歲嘅恩尼森馬，阿特蘭大門將卡尼斯治係目標，令球迷猜測奧拿拿係咪都想「愛回家」。奧拿拿日前喺國米對卡利亞里場聯賽後，入更衣室同一眾舊隊友打招呼聚舊，情義仍在。

不過曼聯球迷又唔使太擔心，消息指奧拿拿今次買別墅只係單純投資，唔少球員都有喺別墅所在嘅Corbetta地區買屋，而且奧拿拿同曼聯仲有3年合約，相信短期內都唔會重返米蘭。