好波有好報　迪羅斯將獲續約

羅馬1月中解僱摩連奴，聘請名宿迪羅斯執教之後，成績愈來愈好，已經晉身歐霸盃4強，並有望衝擊意甲前4位，根據「轉會權威」記者羅曼諾(Fabrizio Romano)爆料，羅馬將會同呢位40歲少帥續約。

迪羅斯1月中接手領軍，只係簽約至今年6月，羅曼諾表示，羅馬班主丹恩佛烈金已經決定同迪羅斯續約，雙方將於短期內正式簽新約。

迪羅斯執教羅馬17場比賽，取得11勝4和2負，包括歐霸盃8強「雙殺」AC米蘭，期間僅不敵意甲榜首國際米蘭，以及歐霸盃16強首回合贏4比0之下，次回合收起主力，作客0比1不敵白禮頓。

羅馬現時排意甲第5位，落後第4位博洛尼亞4分，但踢少1場，仍然有機會殺入前4位參加下屆歐聯。