港超聯 地區打吡打甩髀！
2024年04月19日 19:35
東網電視
更多新聞短片
港超聯：冠忠南區 vs 深水埗
【東網按次收費直播】
「中銀人壽香港超級聯賽」周六（20日）假香港仔運動場上演「地區打呲」，由冠忠南區主場迎戰深水埗。南區為延續聯賽不敗走勢，今場地頭出擊3分志在必得，深水埗今季對南區往績處下風，但經過人腳調整，或有更多本錢締造驚喜。（on.cc東網周六下午3時按次收費直播）
南區今季連同盃賽，已與深水埗對賽4次，錄得3勝1負，但主教練楊正光認為對手季中增兵後，已不可同日而語，提醒球員要小心應付：「今季我哋試過喺『足總盃』輸畀深水埗，加上佢哋嘅人腳愈執愈好，同上半季完全唔同講法，希望可以限制鄧嘉發揮，唔好畀對手偷到雞。」「光Sir」續稱球隊最近把握力未如理想，會就此作針對訓練，盼今場有所改善。
上場聯賽對流浪射入12碼，助球隊驚險取勝的史提芬彭利拿，有信心今場能全取3分，衝擊更高聯賽排名：「經過大半季摸索後，我哋對點樣用地面推進打穿對手防線，愈嚟愈熟練，而且教練團為呢場做足部署，只要大家發揮水準，應該可以攞哂3分。」
深水埗上場以1球僅負前列份子大埔，主教練陳浩然認為球隊發揮並不差，今場遇積分榜前半版的南區，深水埗必定力爭要再踢士氣波，「陳Sir」表示：「作為一支中下游球隊及區隊，最緊要係踢出精神面貌，我哋唔係場場都贏到，但一定會博盡，希望下次會踢出令球迷滿意嘅比數。」上場領紅的宋柱浩要坐波監無緣披甲，季中來投的蘇沙則有機會倒戈。
深水埗今季曾在「足總盃」淘汰南區，惟梁星耀認為過往賽事難以做準，每場比賽都是逐場計。他指出南區有多方面需要加以提防：「 對南區最大挑戰，係佢地中後場制空能力好好，兩邊翼鋒單對單能力強，呢兩樣野相信對好多球隊都係要提防。」
【兩隊預計正選陣容】
冠忠南區
門將：25.伍瑋謙
後衞：8.李嘉耀 12.杜馬思 4.川瀨浩太 16.翟廷峯
中場：11. 佐佐木周 6.基斯 19.趙聡悟
前鋒：18.艾華 7.史提芬彭利拿 17.李小恆
深水埗
門將：1.梁興傑
後衞：20.波比 72.拿亞 6.雲尼馬高域 15.尼高拉斯
中場：24.顏卓彬 41.梁星耀 22.小田倉康太
前鋒：77.張廣然 99.鄧嘉 10.蘇沙