艾雲東尼提一要求　嚇窒曼聯

賓福特前鋒艾雲東尼今夏勢必離隊，英超列強爭崩頭，據報曼聯斟介陷入僵局，原因係艾雲東尼開出一個好難答應嘅條件，就係周薪高過隊長般奴費南迪斯，令曼聯陷入兩難局面。

《鏡報》報道，28歲嘅艾雲東尼今季復出後保持高水準，1月中至今13場交出4球1助攻數據，佢同賓福特尚餘1年約，今夏勢必轉會，現時曼聯同阿仙奴都對佢有興趣。

報道指，艾雲東尼對曼聯開出條件極高，周薪要高過般奴費南迪斯，要求高1萬鎊左右，現時「般費」在曼聯周薪為25萬鎊(約245萬港元)，即係話要有周薪26萬鎊先滿足到艾雲東尼。

曼聯認為，如果答應艾雲東尼，肯定會得罪「般費」，所以佢哋要慎重考慮。