曼聯好消息　安東尼麥湯米尼可復出踢英足盃

曼聯將於周日(21日)晚英足盃4強出戰高雲地利，賽前紅魔鬼主帥坦哈格表示，兩位傷兵安東尼馬菲奧斯、麥湯米尼已經傷愈，可以復出踢今場大戰。

坦哈格話：「安東尼馬菲奧斯、麥湯米尼將會回歸，但我哋仲有些少問題，中堅哈利馬古尼上場對般尼茅夫，受咗輕傷，今個星期冇參加操練，希望佢周日可以上陣。」

安東尼馬菲奧斯近期狀態回勇，上圈英足盃對利物浦，射入1球，早前英超對車路士，亦有助攻，但因傷缺席上場對般尼茅夫。至於麥湯米尼自月初對車路士之後，缺陣近2場比賽，佢今季為曼聯各項賽事上陣36場入9球，創下職業生涯單季入球新高，兩人復出可以提升紅魔鬼攻力。