港超聯　護空門助大埔搶分　翁煦濤望繼續進步

大埔於周日（21日）「中銀人壽香港超級聯賽」前列大戰，主場以0比0逼和衞冕之師傑志，幾位「綠戰士」華將於防線表現突出，其中今季首次於聯賽擔正的翁煦濤，更為主隊護空門。翁煦濤對未能擊敗傑志感不值，並希望繼續進步。

面對強敵傑志來襲，「綠戰士」今場上半場後防一度出現險情，可幸有翁煦濤及時回防，白界前將伊高沙托尼的射門解圍，「翁仔」認為今場能夠搶分是全隊的功勞：「嗰下謝家榮都撲到，令嗰波慢咗，係靠球隊上下努力先有分。」大埔今場不乏埋門機會，最終於主場擊敗傑志全取3分，「翁仔」也感「唔抵」：「我哋有啲反擊係好具威脅，對手臨尾仲有球員兩黃一紅，嚟緊如果我哋再有機會，一定要再把握好啲攞3分。」

主力左閘鄭子森因傷缺陣，今季由理文外借至大埔的翁煦濤臨危授命首次聯賽擔正，就要在大戰披甲，他表示隨時做好上陣的準備，並希望繼續進步：「唔係呢一場踢到好，下場就唔洗諗，每場都要去諗點樣再踢好啲。」