入嚟睇！西班牙打吡有絕世攤路

「西班牙打吡」皇家馬德里主場對巴塞隆拿聽晚開戰，邊隊贏仲未知，不過近年有條「絕世攤路」，就係每逢皇馬喺歐聯捧盃嗰季，聯賽主場都會輸畀巴塞，呢個情況已經連續出現5次，今次仲係咪會咁？

皇馬現時領先巴塞8分，有好多失分空間，今場就算輸波都冇乜大影響，但勢唔到嘅係竟然同佢哋喺歐聯捧盃與否有所關連，睇番皇馬最近5次歐聯奪冠，聯賽主場對巴塞就錄得全敗，賽績如下：

21/22球季 輸0比4

17/18球季 輸0比3

16/17球季 輸2比3

15/16球季 輸0比4

13/14球季 輸3比4

上述5季皇馬都捧走歐聯大耳盃，但聯賽主場對巴塞就全部落敗，而且至少失3球或以上，其中兩次淨吞4蛋，如果冥冥中有天意，皇馬依家已經殺入歐聯4強，今季想捧歐聯冠軍嘅話，聽晚輸畀巴塞反而係好事喎！