收入與表現不相稱　車路士計劃清洗史達寧

史達寧近期缺陣多場，普捷天奴話佢因為食物中毒導致體重下降，不過可能有其他原因，據報車路士認為，史達寧表現同收入不相稱，作為隊內最高薪球員，但未能帶動球隊，因此計劃今夏將其出售。

其實車路士不滿史達寧，史達寧何嘗對車路士滿意？史達寧對「藍戰士」差劣成績感到失望，佢又經常受球迷批評，同時又不滿普捷天奴安排佢做後備，有意離隊。

《Football Insider》報道，史達寧2022年夏天由曼城轉投車路士，轉會費4,750萬鎊，周薪高達32.5萬鎊(約318萬港元)，但車路士呢兩季成績奇差，而史達寧亦幫唔到球隊，會方認為佢收入與表現不相稱，因此打算將佢清洗。

史達寧希望爭取穩定上陣機會，冀能重返英格蘭國家隊，因此今夏亦好大機會離隊，不過由於佢人工甚高，喺歐洲出路唔多。