美斯2射1傳　國際邁亞密反敗為勝

周日(21日)早上美職，國際邁亞密主場落後之下，球王美斯再次扮演救世主，射入2球及1次助攻，率領球隊以3比1反勝拿舒維爾，取得2連勝，成功走出低潮。

開賽2分鐘，國際邁亞密因為後衞尼格利擺烏龍導致落後，幸好兩位球星合作好快扳平，蘇亞雷斯傳畀美斯射成1比1。跟住又係「巴塞幫」發揮作用，39分鐘美斯開出角球，由布斯基斯頂入反超前，亦係呢位35歲中場加盟國際邁亞密以來首次入波。

戰至比賽末段，國際邁亞密獲得12碼，美斯主射入網，近8次上陣有9球進帳，國際邁亞密早前曾經各項賽事連續5場不勝，包括中冠盃出局，但近2場聯賽分別擊敗肯薩斯體育會、拿舒維爾，已經重拾霸氣。