安察洛堤打同胞主意　想簽國米中堅

皇馬今季備受防線傷兵問題困擾，兩位中堅艾達米列達奧、阿拉巴都曾經重傷長抖，其中阿拉巴自上年12月之後一直缺陣，加上拿祖費南迪斯將於今夏離隊，據悉教練安察洛堤計劃今夏收購國際米蘭中堅巴斯東尼，補充防線實力。

意大利《都靈體育報》指國際米蘭近年陷入財困，加上今屆歐聯16強出局，令收入減少，需要出售主力填數，其中最大機會賣走巴斯東尼、馬古斯杜林，因此引起皇馬注意，有意趁機收購巴斯東尼。

呢位25歲意大利國腳身高1米90，唔止制空力強，並擁有不俗技術，擅長由後場組織攻勢，相信適合西甲風格。不過，國米將巴斯東尼標價為8,000萬歐元(約6.7億港元)，皇馬願唔願意接受，成為疑問。

除咗巴斯東尼之外，里爾18歲中堅約羅都係皇馬收購目標。