一個原因　西甲拒絕引入門線技術

早前西甲「國家打吡」皇馬對巴塞隆拿出現爭議性一幕，耶馬射門被皇馬門將盧連擋出，皮球疑似已過白界線，但VAR判唔入，加上西甲不設門線技術，無法100%肯定個波過晒白界線未，巴塞最終輸波，因而計劃要求重賽。

原來西甲係歐洲5大聯賽之中，唯一冇引入門線技術嘅聯賽，根據西班牙《塞爾電台》爆料，即使發生今次重大爭議事件，但西甲賽會仍然未有打算下季引入門線技術，原因係安裝呢套系統，需要支付300萬歐元(約2,500萬港元)授權費用，考慮到經濟效益，短期內都唔會使用，所以類似「白界門」事件可能會繼續發生。