皇馬踢走費蘭特文迪　英超雙雄搶人

據西班牙《阿斯報》報道，皇家馬德里將會喺今個夏天賣走法國左閘費蘭特文迪，呢位法國國腳即時引起多間豪門關注，消息指阿仙奴同利物浦都有意提出收購。

皇馬正同拜仁慕尼黑左閘艾方素戴維斯斟介，極可能會喺夏天迎接呢位自由身球員加盟，原本左閘費蘭特文迪將被掛牌出售。呢位28歲球星係教練安察洛堤信任球員，今季歐聯有8次上陣，突然被掛牌自然吸引唔少球會。

據報阿仙奴同利物浦都虎視眈眈，傳聞阿仙奴打算簽入新左閘，代替表現不穩嘅辛真高，而利物浦亦想搵人頂替狀態下滑嘅安德魯羅拔臣。