外流欧洲多国尝尽辛酸　杜国榆：最紧要有得踢！

下半季回归港超加盟标准流浪的港将杜国榆（Remi），履历相当丰富，除了为美国大学在顶级联赛NCAA D1征战，又曾于世界各地多国打滚。然而多次的外流经验，却让他认清残酷的事实：“足球员唔净止睇你去咩国家踢，更重要系出场机会同埋成就。如果冇得出场，踢阿仙奴都冇人会理你。”

26岁的杜国榆属于台法混血儿，在香港出生，之后赴美国升读大学。毕业后辗转到了不同欧洲国家的球会效力。可惜际遇未如理想，在芬兰、阿尔巴尼亚落班期间，并未获任何出场机会，对此他表示有点欠运：“嗰阵欧洲疫情好劲，去到芬兰好多文件问题要处理。同埋第一年我喺阿尔巴尼亚，开咧前断咗十字韧带同半月板，自己一个喺外国番唔到香港，经理人又唔理我，要自己去揾办法恢复。”

除此之外，Remi又提道外援要在欧洲小国立足，确实有一定难度：“我觉得自己系踢到，但欧洲比较穷嘅地方，一定系保护自己球员先，会对外人有啲抗拒，见到亚洲、非洲人只系谂生意。好似之前去到新球队，我个名得两个音，唔算复杂，但练咗一个星期波，教练都仲系叫我‘Chinese guy’。”不过Remi却感恩上述经历，令自己成长不少，但当被问到未来会否再到欧洲踢球时，他却打趣说道：“啲人非常好，风景系好靓，去欧洲旅行啰，但踢波就唔好。”

总结多年外流欧洲之旅，Remi承认自己的确有犯错，以及感到后悔：“可能wrong decision（决定错误）或者not realistic enough（不够现实），同埋唔够耐性，但我唔会怪责身边任何人，因为最终决定权喺我身上，应该同多啲人倾，唔系净系信一条友。”然而他却继续鼓励年轻球员向外闯：“希望佢哋唔好犯我嘅错，听多啲其他人意见，或者做多啲资料搜集先，睇吓球队系咪想要你。”

杜国榆档案：

姓名：Remi Dujardin

出生日期：1997年6月23日（26岁）

身高：1米85

司职：防守中场、后卫

球衣号码：6

曾效力球会（只列部分）：胡米利亚（西乙B）、赫尔辛基（芬兰）、柏迪逊地拉拿、史简达堡、伊纳迪亚（阿尔巴尼亚）、深水埗、丹东腾跃（中甲）

现效力球会：标准流浪

梦想争做大港脚　

Remi对上一次穿起港队球衣已经是2019年3月的U23亚洲杯外围赛，虽然有份参与雅加达亚运、省港杯等赛事，但他却未曾在国际A级赛亮相。对于获取首顶大港脚“喼帽”，Remi表示会静心等待：“上年踢中甲嗰阵，安达臣冇直接同我对话，但啲助教都有揾过我。我相信每一个职业球员都有代表港队嘅梦想、目标，如果有机会当然欢迎，但我暂时专注做好自己先，唔会谂太多同畀太大压力。”

Remi上年3月尾突然由深水埗转投中甲球队丹东腾跃，但仅一季后便重返港超加盟标准流浪，他解释道：“12月31号合约完咗，咁丹东退出中甲，我成为自由身球员，大陆经理人都有帮我同其他球会联络。但等到1月29日都冇正式聘约，为咗保障自己，所以选择番嚟香港。”提到今季目标，Remi则表示会尽力踢好：“我唔会当流浪系一个跳板，嚟到都系学习，争取每一次出场机会。”