弃脚用手　希古恩赢板式网球男双冠军

阿根廷名将希古恩挂靴后转玩其他运动，改打板式网球，打下打下，仲畀佢赢咗项双打冠军，虽然奖金只有300美元(约2,340港元)，但就满足到佢嘅捧杯欲。

球员生涯踢过皇马、祖记、A米同车仔等豪门嘅希古恩，2022年喺国际迈亚密结束球员生涯，挂靴后爱上板式网球，据说该项室内运动喺美国颇为流行，而希古恩弃脚用手一样掂，日前伙拍委内瑞拉拍挡塔雷克参加迈阿密一场锦标赛，成功赢到男双冠军。

36岁嘅希古恩2022年离开国际迈亚密时，为球队攻入29球11助攻，系队史射手王，而喺佢离队大半年后，佢嘅阿根廷队友美斯先至加盟国际迈亚密，两人错过咗同队机会，而佢喺迈亚密嘅入球纪录，就留畀美斯去打破。