华基尔云迪积克认证：施洛好啱利物浦！

利物浦聘请施洛执教好事近，作为荷兰同胞嘅华基尔云迪积克，日前率先开声力撑，指施洛系荷兰其中一个最佳领队，足球哲学亦好啱利物浦，似乎对“后高普年代”充满信心。

虽然施洛未正式加盟，但华基尔云迪积克日前接受荷兰记者访问，就抢先发表对施洛嘅意见：“我认为施洛系依家荷兰其中一个最佳领队，睇佢嘅球队比赛同佢嘅足球哲学，佢可以胜任利物浦主帅。不过以我所知，谈判仲未成事，即管睇下点样，呢啲都系下季嘅事，仲有好长时间。”

施洛上季带领飞燕诺赢得荷甲冠军，今季亦已捧走荷兰杯冠军，佢嘅4-3-3战术同逼抢风格，都同利物浦踢法相近，“红军”球员喺适应上或者可以更顺利。